የአዲስ አበባ ቤቶች ልማትና አስተዳደር ቢሮ ፍላጎትና አቅሙ ያላቸውን የ40/60 እና የ20/80 የጋራ መኖሪያ ቤት ተጠቃሚ ተመዝጋቢዎችን አዲስ ባጠናው የቤት ልማት አማራጭ ፕሮግራም በማህበር ቤት የጋራ መኖሪያ ቤት እንዲገነቡ በ54 ቡድን ለተደራጁ ማህበራት የግንባታ መሬት ዕጣ የማውጣት መርሀ ግብር አከናውኗል፡፡
የአዲስ አበባ ቤቶች ልማትና አስተዳደር
ቢሮ ኃላፊ ክብርት ወ/ሮ ፅጌወይን ካሳ በዕጣ ማውጣት መርሀ ግብር መክፈቻ ባደረጉት ንግግር ትኩረት የተሰጣባቸው አዳዲስ የቤት ልማት አማራጮች በመኖሪያ ህብረት ስራ ማህበራት የቤት ግንባታ አንዱ መሆኑን ገልፀው የተለያዩ የቤት አማራጮችንም በመጠቀም 40/60 እና 20/80 ተመዝጋቢ የጋራ መኖሪያ ቤት ፈላጊዎችም ሆነ ሌሎችንም ነዋሪዎች ተጠቃሚ ለማድረግ ከተማ አስተዳደሩ ትኩረት ተሰጥቶ በመሰራት ላይ እንዳለ ተናግረዋል፡፡
በዚህ በህብረት ስራ ማህበር ለተደራጁ 54 ማህበራት መንግስት የቤት ግንባታ መሬት እና ብድር በማመቻቸት በሁለት አይነት ዲዛይን በG+9 እና በG+13 እና ከ4ሺህ በላይ ለሆኑ ነዋሪዎችን ለመጀመሪያ ጊዜ ተጠቃሚ አድርጓል፡፡
ይህ የማህበር ቤት ግንባታም ሆነ ሌሎች የግንባታ ፕሮግሞችም በቀጣይ ለብዙ የከተማዋ ነዋሪዎች የስራ እድል በመፍጠር ዜጎችን ፍታሀዊ ተጠቃሚነት ያረጋግጣል ተብሎም ይጠበቃል፡፡
ምንጭ፡ የአዲስ አበባ ቤቶች ልማት እና አስተዳደር ቢሮ


















