በቀይ ባህር ዳርቻ ላይ በምትገኘው ጅዳ ላይ በ1 ቢሊዮን ዶላር የሚገነባውን የትራምፕ ፕላዛ ህንፃ በተመለከተ ዛሬ ማብራሪያ ተሰጥቷል፡፡
ይህንን ህንፃ የሚገነባው የሳኡዲ አረቢያው ሪል ስቴት አልሚ ዳር ግሎባል ሲሆን የሚገነባውም የከተማው እምብር በሆነው ኪንግ አብደላዚዝ መንገድ አቅራቢያ ነው፡፡
ፕሬዝደንት ዶናልድ ትራምፕ የንግድ እንቅስቃሴያቸውን በአረብ አገራት ላይ የማስፋፋት እቅድ እንዳላቸው ማስታወቃቸው የሚታወስ ሲሆን ይህኛው ህንፃ በጅዳ ከተማ ሁለተኛቸው የሚሆን ነው፡፡
በእቅዱ መሰረት ይህ ህንፃ በኒውዮርኩ ማንሀተን ስታይል የሚሰራ ይሆናል፡፡ ከዚህ ቀደም የፕሬዝደንቱ ድርጅት በጅዳ በ533 ሚሊዮን ዶላር ሌላ ህንፃ በማስገንባት ላይ መሆኑ ይታወቃል፡፡
የትራምፕ ድርጅቶች ዋና ስራ አስኪያጅ ኤሪክ ትራምፕ እንደገለፁት ድርጅታቸው በጅዳ ብቻም ሳይሆን በአቡ ዳቢ፣ ሪያድና ኦማንም የተለያዩ ትልልቅ ፕሮጀክቶችን እያከናወነ ይገኛል፡፡
ምንጭ፡ ዘ-ሐበሻ


















