የአዲስ አበባ ካቢኔ 3ኛ ዓመት 14ኛ መደበኛ ስብሰባ ካፀደቃቸው ጉዳዮች አንዱ የመንገድ ሴትባክ (Setback) አጠቃቀምን በተመለከተ እንደሆነ ከንቲባ ጽህፈት ቤት አስታወቀ።
የአዲስ አበባ ከተማ አስተዳደር በከተማዋ የሚገኙ ዋና ዋና መንገዶች ላይ ባሉ የሴት ባክ (setback) ፕላን ትግበራ ከመንገድ ያላቸው ርቀት መጠን በካቢኔ ወስኖ ወደ ትግበራ መግባቱ ይታወሳል። በዚህም መሠረት የአዲስ አበባ ካቢኔ ከዚህ በፊት የተወሰኑ የሴት ባክ ለማስተግበር፤ ሂደቱን ለማሳለጥ እና አገልግሎቱን ለማፍጠን የቀረቡ በደንብ የተደገፉ ማብራሪያዎችን በጥልቀት ተወያይቶ በሙሉ ድምጽ ማፅደቁን ነው ከንቲባ ጽህፈት ቤት የገለፀው።
ለዚህ ውሳኔ እንደመነሻም የሚከተሉት ነጥቦች ተዘርዝረዋል።
- የህንፃ ግንባታ ከመንገድ ጠርዝ የተቀመጠው ቦታ (Setback) በከተማዋ ውስጥ ከጊዜ ወደ ጊዜ እየጨመረ የመጣውን የትራንስፖርት ፍሰት ለማስተናገድ፣
- በቀጣይ የሚከናወኑ የመንገድና ተያያዥ የመሰረተ-ልማት ማስፋፊያ ስራዎችን ግንባታዎችን ሳያፈርሱ ለማከናወን፣
- አዳዲስ የፐላን እና ዘመናዊ የከተማ (Smart City) እሳቤዎችን በቀጣይ ለማካተት፣
- የሚናበቡ የህንፃ አቀማመጥና የመንገድ ቁርኝትን በማሳካት የተሻለ የአካባቢ ገፅታን ለመፍጠር፤
- የተሻለ የእግረኛ ፍሰት ለማምጣት፣
- በተለይ ከፍተኛ ቁመት ያላቸው ህንፃዎች እግረኞች ላይ የሚፈጥሩትን ምቾትና ደህንነት (Comfort and safety) ለማስታረቅ እንደሆነ ተገልጿል።
ሙሉው መረጃ ከታች ያገኙታል።




















