የመሬት ይዞታ ማረጋገጫ ሰርተፊኬት አገልግሎት (የመጀመሪያ ምዝገባ ) ለማግኘት የመሬት ይዞታንና የባለቤትነት መብትን የሚያረጋግጡ ሰነዶችን ማቅረብ ያስፈልጋል።
አገልግሎቱን ለመጠየቅ የሚከተሉት ዋና ዋና ሰነዶች ያስፈልጋሉ።
1.የይዞታና የባለቤትነት መብት ማስረጃ
- በሕግ አግባብ ከመብት ሰጪ አካል የተሰጠ የይዞታ ማረጋገጫ ሰነድ ይጠበቃል።
- ይዞታው በውርስ፣ በስጦታ፣ በሽያጭ፣ በድርሻ መልቀቅ የተገኘ ከሆነ፣ ውል ለማዋዋል ሥልጣን ከተሰጠው አካል የተረጋገጠ ሕጋዊ ውል ወይም ሰነድ ማቅረብ ያስፈልጋል።
2.የማንነት እና የውክልና ማስረጃ
- አመልካቹ የፋይዳ መታወቂያ፣ ፓስፖርት ወይም መንጃ ፈቃድ ከመሳሰሉት የማንነት ማረጋገጫዎች አንዱን ማቅረብ ይኖርበታል።
- ባለይዞታው በአካል መቅረብ ካልቻለና አገልግሎቱ በወኪል የሚፈጸም ከሆነ፤ በሕግ አግባብ የተሰጠና በሥራ ላይ ያለ ሕጋዊ የውክልና ሰነድ እንዲሁም የወኪሉ መታወቂያ ያስፈልጋል።
3.የመያዣና የእግድ ሰነዶች
- የመያዣ (Mortgage) ውል፡ ከፋይናንስ ተቋማት ጋር የተደረገ የመያዣ ውል ካለ።
- የእግድ ትእዛዝ ሰነድ፡ በፍርድ ቤት ወይም በፋይናንስ ተቋማት የተሰጠ እግድ ካለ አግባብ ያለው የማስረጃ ሰነድ።
4.ሌሎች አስፈላጊ ቅድመ ሁኔታዎች
- የመሬት ይዞታ ማረጋገጫ ሰርተፊኬት ለማግኘት የምዝገባ፣ የሰነድ ማጣራትና የሰርተፊኬት ሕትመት አገልግሎት ክፍያዎች የሚከፈሉ ሲሆን፣ ክፍያው በሚመለከተው የአገልግሎት ደረጃና በሕጉ መሠረት ይፈጸማል።
- የይዞታ መብት ማረጋገጫ ሰርተፊኬት የጠፋ፣ የተበላሸ ወይም የማይነበብ ከሆነ፣ የጠፋ ወይም የተበላሸ ስለመሆኑ አግባብ ያለው ማስረጃ ሊጠየቅ ይችላል።
ምንጭ፡-የከተማ መሬት ይዞታ እና መሬት ነክ ንብረት ምዝገባ አዋጅ ቁጥር 1381/2017
ምንጭ፦ በአዲስ አበባ ከተማ አስተዳደር የመሬት ይዞታ ምዝገባና መረጃ ኤጀንሲ ኮሚኒኬሽን ጉዳዮች ዳይሬክቶሬት


















