የአዲስ አበባ ከተማ አስተዳደር የግንባታ ፈቃድና ቁጥጥር ባለሥልጣን፤ ህንፃዎች ከመንገድ መራት ያለባቸጡ ርቀት (Setback)፣ የመሬት ስፋት ዝቅተኛው ገደብ እና የህንፃ የጎን ስፋት (Frontage) አተገባበር መመርያ ማስተላለፉ ይታወቃል፡፡
ይሁንና መ/ቤቱ የወጣው መመሪያ ለአተገባበር አስቸጋሪ በመሆኑ ተጨማሪ ማብራሪያ ለከተማ አስተዳደር ፕላን እና ልማት ቢሮ እንዳቀረበ ተጠቅሷል። የከተማ አስተዳደሩ ፕላን እና ልማት ቢሮ ምላሽ ሰጥቷል።
በዚህም መሰረት ከኮሪደር ውጭ በስብሳቢ መንገድ /collector street/ እና የውስጥ ለውስጥ መንገዶች /Local street/ ጋር ለሚዋሰኑት ይዞታዎች ግንባታቸውን በተመለከተ የተሻሻለውን ሴትባክ መጠበቅ ያለባቸው ሲሆን 500 ካ.ሜ አነስተኛ የይዞታ ስፋት ውሳኔ እና 20 ሜትር የመንገድ ፊት ለፊት ገፅታ /frontage/ አስገዳጅ የማይሆን መሆኑ ተገልጿል።
ሙሉ መረጃው እንደሚከተለው ተቀምጣል።
ጉዳዩ፡- ማብራሪያ መላክን ይመለከታል
ከላይ በርዕሱ እንደተጠቀሰው በቀን 06/12/2016 ዓ.ም በቁጥር አ/አ/ከ/አ/ፕ/ጽ/ቤት/045/2016 በተፃፈ ደብዳቤ የአበባ ከተማ አስተዳደር ኮሪደርና የውስጥ ለውስጥ መንገድን ተከትሎ ግንባታዎች ከመንገድ ርቀው የሚነበቡትን (Setback) እና ከመንገድ ትይዩ ያለውን የይዞታዎች ርዝመት እንዲሁም ከዋና መንገድ ትይዩ ያሉ ይዞታዎች የይዞታ መጠንን እና የቦታውን አቀማመጥ ቅርፅ (Plot Shape) ምን መምሰል እንዳለበት የካቢኔ ውሳኔ የተላክላችሁ ቢሆንም እየተተገበረ ያለውን ማለትም የኮሪደር ልማት ባልደረሰባቸው ቦታዎች በፕላናችን ላይ በተለያየ እቅድ የተያዙ የ5 ዓመት የኮሪዶር ልማት፤ ስልታዊ ዕቅድ /strategic plan/ ተብለው የተያዙ ቦታዎች፤ የ5 ዓመት መልሶ ማልማት እቅድ ውስጥ ያሉ ቦትዎች እና መዋቅራዊ ፕላን ዋና መንገድ /PAS/ ተከትሎ ያሉ ቦታዎች ወደ ውስጥ ምን ያህል ርቀት ድረስ እንደሚገባ በግልፅ የተቀመጠ ባለመሆኑ አገልግሎት ለመስጠት የተቸገረ መሆኑን የአዲስ ከተማ ግንባታ ፈቃድና ቁጥጥር ጽ/ቤት በደብዳቤ የጠየቃችሁ ሲሆን በአናንተ በኩል ግልጽ የሆነ መመሪያ ባለመኖሩ ምላሽ ለመስጠት ስለተቸገራችሁ በቢሮው በኩል ማብራሪያ እንድንሰጥበት በማለት የጠየቃችሁ መሆኑ ይታወቃል፡፡
በመሆኑም በተለያየ ጊዜ ፀድቀው በትግበራ ላይ የሚገኙ የአካባቢ ልማት ፕላኖች ላይ ታቅደው የነበሩ የማስፈጸሚያ ደንቦችን ከተሻሻለው የሴትባክ ህግ ጋር ማስታረቅና ወደ አንድ ወጥ ስታንዳርድ ማምጣት አስፈላጊ በመሆኑ የሀንፃ ግንባታዎች ከመንገድ መራት ያለባቸው ርቀት /ሴትባክ/ እና በአ.ል.ፕ ጠናቱ ዋና መንገድ /PAS/ እና ንዑስ ዋና መንገድ /SAS/ ላይ አነስተኛ የይዞታ ስፋት ከ500 ካሬ ሜትር በታች መሆን እንደሌለበት በመመሪያው ላይ የተጠቀስ መሆኑን በማስታወስ
መመሪያው ከኮሪደር ውጭ ባሉት ዋና ዋና መንገዶች /PAS/ እና በንዑስ ዋና መንገዶች /SAS/ ላይ ለሚገኙ ይዞታዎችም ጭምር የሚመለከታቸው መሆኑን በመግለጽ
ነገር ግን ከኮሪደር ውጭ በስብሳቢ መንገድ /collector street/ እና የውስጥ ለውስጥ መንገዶች /Local street/ ጋር ለሚዋሰኑት ይዞታዎች ግንባታቸውን በተመለከተ የተሻሻለውን ሴትባክ መጠበቅ ያለባቸው ሲሆን 500 ካ.ሜ አነስተኛ የይዞታ ስፋት ውሳኔ እና 20 ሜትር የመንገድ ፊት ለፊት ገፅታ /frontage/ አስገዳጅ የማይሆን መሆኑን እንገልፃለን።



















