የፌዴራል ቤቶች ኮርፖሬሽን ለሚያከናውናቸው ሰፊ የቤት ልማትና የመሰረተ ልማት ግንባታዎች አስተማማኝ የፋይናንስ አቅርቦት ለመፍጠር የሚያስችለውን ታላቅ የትብብር ስምምነት ከዳሽን ባንክ ጋር ተፈራረመ።
የስምምነት ሰነዱ በፌዴራል ቤቶች ኮርፖሬሽን ዋና ሥራ አስፈጻሚ ዶክተር ረሻድ ከማል እና በዳሽን ባንክ ዋና ሥራ አስፈጻሚ አቶ አስፋው አለሙ በይፋ የተፈረመ ሲሆን፣ ተቋማቱ በጆይንት ቬንቸር (Joint Venture) የአሰራር ስልት አዋጭ የሆኑ የኢንቨስትመንት ፕሮጀክቶችን በጋራ ለመተግበር ተስማምተዋል።
በዚህም መሠረት ዳሽን ባንክ ለሚቀርፁት አዋጭ የኢንቨስትመንት ፕሮጀክቶች አስፈላጊውን የፋይናንስ አማራጮች የሚያቀርብ ይሆናል።
በተጨማሪም ኮርፖሬሽኑ ለሚያከናውናቸው ሰፋፊ የቤት ልማት መርሃ ግብሮች ቀጣይነት ያለው የፋይናንስ ድጋፍ ከባንኩ የሚያገኝ ሲሆን፣ ለግንባታ ግብዓቶችና ለኢንቨስትመንት ስራዎች አስፈላጊ የሆነውን የውጭ ምንዛሪ አቅርቦት በማመቻቸት በኩል ሁለቱ ተቋማት በጋራ ለመስራት ተስማምተዋል።
ምንጭ፦ Federal Housing Corporation
















