ካቮድ ኮሜርሻል በጉጉት ሲጠበቅ የነበረውን የደንበኞች የሎተሪ ዕጣ ሽልማት ቅዳሜ ነሐሴ 30 ቀን 2018 ዓ.ም በአዲስ ዓመት ዋዜማ በይፋ አወጣ።
በስነ-ስርዓቱ ላይ በካቮድ ኮሜርሻል የሱቅና የቢሮ ባለቤት የሆኑ ደንበኞች የተሳተፉ ሲሆን፣ የእድሉ ባለቤቶች የኤሌክትሪክ መኪኖች እና የመሊዮኖች ብር ግምት ያላቸው የቤት ዕቃዎች ተሸላሚ ሆነዋል።
የዕጣ ማውጣት መርሃ-ግብሩ የብሔራዊ ሎተሪ አስተዳደር ታዛቢዎች፣ የካቮድ ኮሜርሻል እና የኦቪድ ሆልዲንግ የበላይ አመራሮች፣ ሰራተኞች እንዲሁም ጥሪ የተደረገላቸው ደንበኞች በተገኙበት በደማቅ ሁኔታ ተካሂዷል።
በስነ-ስርዓቱ ላይ “አራዳው ነጋዴ” የተሰኘው የካቮድ አዲስ ብራንድ በይፋ የተዋወቀ ሲሆን፣ የካቮድ ኮሜርሻል ሪል እስቴት ዋና ሥራ አስፈፃሚ አቶ የምወድህ ታደለ፣ “ካቮድ የንግድ ቦታ አቅራቢ የሪል እስቴት ኩባንያ ብቻ ሳይሆን፣ ደንበኞቹ ሀብትና የንግድ ስኬት እንዲገነቡ የሚያግዝ አጋር ነው” ሲሉ ገልጸዋል።
የኦቪድ ሆልዲንግስ የህዝብ ግንኙነትና ኮሙኒኬሽን ኦፊሰር አቶ መኮንን ተሾመ በበኩላቸው፣ የኩባንያዎቹ የንግድ ፍልስፍና በደንበኛ እምነት፣ በጥራትና በረጅም ጊዜ አጋርነት ላይ የተመሠረተ መሆኑን ጠቁመው፤ መርሃ-ግብሩ ከዕጣ ማውጣት ባለፈ ከደንበኞች ጋር የተገነባውን እምነት ለማክበር የተዘጋጀ መሆኑን ተናግረዋል።
የወጡት የዕጣ ሽልማቶች ዝርዝር፡
- 1ኛ ዕጣ፡ MG ኤሌክትሪክ የቤት መኪና
- 2ኛ ዕጣ፡ ዘመናዊ ኤሌክትሪክ የቤት መኪና
- 3ኛ ዕጣ፡ 1,000,000 ብር የሚያወጣ ከኦቪድ ፈርኒቸር የቤት ዕቃ
- 4ኛ ዕጣ፡ 700,000 ብር የሚያወጣ ከኦቪድ ፈርኒቸር የቤት ዕቃ
- 5ኛ ዕጣ፡ 350,000 ብር የሚያወጣ ከኦቪድ ፈርኒቸር የቤት ዕቃ
- 6ኛ ዕጣ፡ 250,000 ብር የሚያወጣ ከኦቪድ ፈርኒቸር የቤት ዕቃ
- 7ኛ ዕጣ፡ 175,000 ብር የሚያወጣ ከኦቪድ ፈርኒቸር የቤት ዕቃ
- 8ኛ ዕጣ፡ 100,000 ብር የሚያወጣ ከኦቪድ ፈርኒቸር የቤት ዕቃ
- 9ኛ ዕጣ፡ 75,000 ብር የሚያወጣ ከኦቪድ ፈርኒቸር የቤት ዕቃ
- 10ኛ ዕጣ፡ 50,000 ብር የሚያወጣ ከኦቪድ ፈርኒቸር የቤት ዕቃ
ምንጭ፦ ካቮድ ኮሜርሻል

















